Вагнер се ребрендира, руските платеници ќе се нарекуваат нацистички единици во Африка

Францускиот весник „Монд“ објави дека руското Министерство за одбрана создало нов корпус наречен „Африкански корпус“ за да го зајакне своето присуство во Либија и Африка.

Францускиот весник наведува дека во оваа војска ќе има и членови на руската платеничка група Вагнер како и нови регрути, нагласувајќи дека се започнати процедурите за прифаќање на нов персонал, пренесува Телеграф.

Ле Монд појасни дека овие руски реформи во групата Вагнер доаѓаат по меѓусебните посети на либиската и руската делегација, што резултираше со договор меѓу Хафтар и Путин за проширување на руското присуство во Либија и Африка, преку новиот африкански корпус.

Весникот посочува дека Москва преку Министерството за одбрана се обидува повторно да го изгради своето присуство во Африка и да го напушти брендот Вагнер.

Исто така, беше истакнато дека ова ново име е директно инспирирано од „Африканскиот корпус“, германските баталјони кои се бореле во Северна Африка за време на Втората светска војна, под команда на генералот Ервин Ромел.