СЗО ГО ВКЛУЧИ АЛАРМОТ – Оваа болест може да претставува ризик за целиот свет: Еве кои се симптомите и како се пренесува

Светската здравствена организација (СЗО) го вклучи алармот поради големата епидемија на Мпокс (мајмунски сипаници) во Демократска Република Конго и ширум светот.

Како што соопшти организацијата на ОН во Женева на 15. декември, во Конго од јануари до средината на ноември годинава се регистрирани повеќе од 13 илјади сомнителни случаи и повеќе од 600 смртни случаи поврзани со оваа болест.

„Епидемијата претставува ризик за луѓето во ДР Конго, соседните земји и ширум светот“, вели експертот на СЗО, Розамунд Луис.

СЗО работи со властите во Конго за да го прошири капацитетот за тестирање и да внесе вакцини во земјата.

Според Розамунд Луис, зголеменото ширење на болести во Конго е поврзано со сексуалната работа. Поради бројните гранични премини меѓу Конго и соседните земји, има регионално ширење на оваа вирусна болест. СЗО е загрижена затоа што за првпат во Конго е откриен сексуален пренос на вирусот Мпокс кој преовладува таму.

Уште еден вид на вирус се шири во многу земји од мај 2022 година, пред се преку сексуален контакт. И во Германија имаше илјадници случаи.

Овие вируси се пренесуваат преку близок физички контакт. Најзабележителен симптом на болеста се плускавците и папулите на кожата. Болеста обично започнува со треска, главоболка, болки во мускулите и чувство на исцрпеност, често придружени со болки во грбот. Осип се развива неколку дена по почетокот на треската.

Вирусот на мајмунски сипаници брзо се шири во третата година од пандемијата на вирусот Ковид-19 кога свеста за јавното здравје беше на својот врв. Светската здравствена организација (СЗО) во мај објави дека мајмунските сипаници повеќе не се „глобална здравствена закана“, ставајќи крај на речиси една година тревога поради вирусната болест, која потврди случаи во повеќе од сто земји.

Означувањето на СЗО е дизајнирано да предизвика координиран меѓународен одговор и да одобри финансирање за соработка за дистрибуција на вакцини.