МИСТЕРИОЗЕН СЛУЧАЈ ШТО ЈА КРЕНА ФБИ НА НОЗЕ – Русин полетал од Европа за САД без ниту еден документ и авионска карта !?

Руско-Израелски државјанин по име – Сергеј Владимирович Очигава, полетал од Копенхаген (Данска) со лет на авио-компанијата „Scandinavian Airlines“ и слетал на аеродром во Лос Анџелес (САД) без никаков документ за идентификација или контрола при качувањето во авионот, пренесува Fox News.

Откако овој човек успеал да стигне од Европа во Северна Америка без билет, пасош, виза или било каква евиденција дека бил на летот, започна голема истрага. Човекот вели дека не е сигурен како се случило сето тоа (!?).

Повеќето од екипажот во авионот го забележале Сергеј Владимирович Очигава бидејќи тој се шетал низ авионот и постојано ги менувал седиштата. Тој барал два оброка за време на секоја услуга за храна и во еден момент се обидел да изеде чоколадо на вработените.

Случајот го истражува ФБИ, а човекот е обвинет дека се „криел“ во авионот и моментално се наоѓа во притвор.

Сергеј Владимирович Очигава тврди дека не спиел три дена и не разбира што се случува, мисли дека можеби имал авионска карта и не се сеќава дека се качил во авионот во Копенхаген или како поминал низ обезбедувањето на данскиот аеродром.

Видеонадзорот покажува дека тој влегол без валиден билет, што истото го потврдиле и од „Scandinavian Airlines“, но одбиле да коментираат бидејќи случајот го водат властите во Данска и САД.