ГОЛЕМИ ПРОМЕНИ – НАЈГОЛЕМИОТ МУНДИЈАЛ ВО ИСТОРИЈАТА! Ништо повеќе нема да биде исто: Еве како ќе изгледа СП 2026! Сите стадиони се веќе изградени!

Светското првенство кое за три и пол години ќе се одржува во Америка, Канада и Мексико ќе биде најголемото во историјата, бидејќи на него ќе учествуваат дури 48 репрезентации.

Неодамна завршеното Светско првенство во Катар беше последното на кое учествуваа 32 репрезентации.

ФИФА воведе револуционерна промена, на СП 2026 48 репрезентации ќе се борат за титулата.

Иако првично се шпекулираше дека екипите ќе бидат сместени во 16 групи со по три екипи, се поизвесно е дека ќе имаме 12 групи со по четири екипи. Премин треба да обезбедат првата и втората екипа од групата, како и осумте најдобри третопласирани.

Форматот на квалификациите се уште не е познат

Огромното проширување најмногу ги фаворизира репрезентациите од Африка и Азија, но и Океанија, која за првпат ќе има сигурен претставник на Мундијалите.

Кога станува збор за Европа, таа сега ќе има 16 претставници на Мундијалот наместо 13.

Интересно, иако до почетокот на првенството остануваат неполни четири години, се уште не се знае во кој формат ќе се играат квалификациите. Деталите ќе бидат познати на 23 јануари, кога ФИФА и официјално ќе објави како селекциите ќе можат да обезбедат пласман на Мундијалот.

Стадионите подготвени

За разлика од првенството во Катар кое практично се одржа во еден град, СП 2026 година ќе се игра во три земји. Ќе се одиграат вкупно 80 натпревари на 16 различни стадиони.

Во Канада градови домаќини ќе бидат Ванкувер и Торонто, во Мексико ќе се игра во Гвадалахара, Мексико Сити и Монтереј, а во САД во Атланта, Бостон, Далас, Хјустон, Канзас Сити, Лос Анџелес, Мајами, Филаделфија, Сиетл, Сан Франциско и Њујорк.

Катар изгради осум целосно нови стадиони за првенството, а нема да се градат нови објекти за следното Светско првенство. САД ги има најмодерните стадиони во светот каде се играат натпреварите во НФЛ и нема сомнеж дека навивачите одлично ќе се забавуваат.

Се уште не е одлучено на кој стадион ќе се игра големото финале, а главни фаворити се легендарните „Ацтеки“ во Мексико Сити, кои можат да примат 87.500 гледачи и стадионот Мет Лајф во Њу Џерси, кој има нешто помал капацитет (82.500).

Првиот човек на ФИФА, Џани Инфантино неодамна изјави дека организацијата на светскиот фудбал добро ќе размисли пред да донесе конечна одлука.

Има уште некои дискусии и сигурно ќе ги избереме најдобрите градови за отворање и затворање на завршниот турнир“, рекол Инфантино.

Соединетите Американски Држави

Њујорк (Стадион МетЛајф)

Лос Анџелес (СоФи стадион)

Далас (АТ&Т стадион)

Сан Франциско (Стадион Леви)

Мајами (Хард рок стадион)

Атланта (стадион Мерцедес-Бенц)

Сиетл (Стадион Лумен)

Хјустон (Стадион НРГ)

Филаделфија (Финансиски стадион Линколн)

Канзас Сити (стадион Аррохед) Бостон (стадион Жилет)

Канада

Торонто (БМО Стадион)

Ванкувер (стадион БЦ Плејс)

Мексико

Гвадалахара (стадион Акрон)

Мексико Сити (Естадио Ацтека)

Монтереј (ББВА Стадион)

Нема нерешени резултати

Доколку ФИФА одлучи тимовите да бидат поделени во 16 групи по три тима, постои можност веќе да видиме казни во групната фаза.

Имено, за да не играат екипите во последното коло на резултатот кој ги испраќа двете екипи во следната фаза, постои можност натпреварот да не може да заврши нерешено.

Затоа, доколку има нерешено во регуларниот дел од натпреварот, ќе се изведуваат пенали за да се реши победникот.