СИТИОТ НЕ МУ ВЕРУВА НА ГЛАДНИОТ: Риши Сунак го прашал бездомникот дали се занимава со бизнис

Британскиот премиер Риши Сунак беше критикуван за непријатен разговор со бездомник додека волонтирал во народна кујна пред телевизиските камери.

Сунак вчера го посетил прифатилиштето, каде по краткиот разговор го прашал мажот дали се занимава со некој бизнис, објави угледниот британски весник „Гардијан“.

Човекот одговорил дека е бездомник.

Британскиот премиер потоа зборуваше за своето минато во финансиската индустрија и праша дали тоа би било нешто во кое човек би сакал да навлезе.

Човекот тогаш одговорил дека нема да има ништо против, туку дека прво би сакал да го преживее Божиќ.

Тој објасни дека се надева оти некоја хуманитарна организација ќе му најде привремено сместување за да не биде на улица на Божиќ.