МИСТЕРИОЗНА ЖЕНА КОЈА КУПИ ЧЕТИРИ ЛУКСУЗНИ ХОТЕЛИ ВО СПЛИТ!? Украинците објавија шокантни и скандалозни податоци

Тетјана Глињана, која важи за еден од најголемите – ако не и најголем – снабдувач на прехранбени производи за украинската Армија по нарачка од Министерството за одбрана на Украина, станала сопственик на четири хотели во Сплит. Барем така е наведено во истрагата на украинскиот веб-портал NV Business, пренесуваат хрватските медиуми.

Имено, новинарите комуницирале со персоналот на еден од хотелите на кои му ја покажале фотографијата на Тетјана Глињана. Од хотелот наводно било потврдено дека токму таа станала нејзин нов сопственик.

Било кажано и дека Украинката поседува уште неколку хотели во Сплит, како и фабрика за месо во Украина.

Украинските новинари тврдат дека, проверувајќи го локалниот деловен регистар, дошле до информации дека од есента 2023 година Тетјана Глињана станала сопственик на компаниите „Зен Адриа“, „Пигмент“ и „Мимоза“. Во исто време ја основала фирмата „Назарии“. Истрагата посочува дека споменатите фирми стопанисуваат со хотелите „Мирари“, „Ора“, „Лукс“ и „Пош“.

Хотел „Мирари“ е новоизграден објект на сплитските каскади. Има 18 соби, ресторан и базен на покривот. „Ори“, сместен во нова зграда на улица „Пољичка“, има четири ѕвезди и има 24 соби, ресторан и конгресен центар за 50 луѓе.

Хотелот „Лукс“ се наоѓа на дното на улицата „Звонимирова“. Располага со 30 соби, ресторан, спа центар и конференциска сала. „Пош“, од друга страна, е, како што кажува неговото име, објект со пет ѕвездички со шест апартмани, базен на покривот и спа центар. Тоа е импресивна зграда над пристаништето Зента.

Украинците процениле дека слични хотели на хрватското приморје чинат од 2,5 до 3 милиони евра. Односно, за купување на четири хотели во центарот на Сплит треба да се потрошат повеќе од 10 милиони евра.

Инспекторите пишуваат дека Тетјана Глињана била основач на неколку компании на таканаречената „Група Бела Црква“, кои биле главни снабдувачи со храна за националната Армија во одредени периоди. 

Според информациите, цените на храната во договорите на овие компании со Министерството за одбрана на Украина биле превисоки. Значи, станува збор за класично воено профитерство.

На пример, во договорот што важи за втората половина на 2023 година, обичната хељда чини 1,59 евра за килограм. Но, во договорот за првите три месеци од 2024 година истото жито се продава за 1,2 евра за килограм. Истовремено, според Државниот завод за статистика, малопродажните цени на хељдата во тој период биле за еден и пол до два пати помалку.

Во јули леќата чинела 1,15 евра, а до крајот на годината би паднала на 0,77 евра. Во моментов оваа храна може да се купи во украинските маркети за 0,63 евра за килограм, забележуваат истражителите.

Тие нагласуваат и дека „скандалозните“ јајца чинат 0,41 евро по парче – што некогаш беше голем скандал во Украина – поврзано со разрешувањето на министерот за одбрана Олексеј Резников – поврзано и со договори со фирми поврзани со Тетјана Глињана.

Имено, во групацијата „Бела Црква“ влегуваат и фирми регистрирани на други лица. На пример, Active Company LLC – која на крајот на 2022 година го добила најскапиот договор на Министерството за одбрана, вреден дури 316 милиони евра, со јајца од 0,41 евро и компири од 0,53 евра за килограм – е во сопственост на Александар Дмитревич, деловен партнер внукот на Тетјана Глињана, Назари Березјук.

Назари Березјук моментално е сопственик на Mit Mix LLC, која некогаш била во сопственост на самата Тетјана Глињана.

Инаку, во 2015 година, Тетјана Глињана и нејзиниот зет Руслан Березјук се најдоа во скандал со случај на поткуп на полковник на Националната гарда кој требал да им помогне да добијат еден од јавните тендери.

Во Сплит, пак, никој не требало да биде поткупен, туку само платен.