ПУТИН ДОБИ ОДГОВОР ОД УКРАИНА: Светот се надеваше дека мирот е на повидок, но пораката до рускиот претседател е СУРОВА!

Откако претседателот на Русија, Владимир Путин изјави дека Русија секогаш се трудела сите спорови да ги решава по мирен пат, преку преговори , но дека другата страна имала поинаков став, сега стигна одговор од Украина .

Имено, советникот на украинскиот претседател, Михаил Подољак , смета дека Русија не сака преговори, туку се обидува да ја избегне одговорноста, пренесува Укринформ.

„Путин мора да се врати во реалноста. Русија сама ја нападна Украина и убива граѓани. Нема други „земји, мотиви, геополитика“. Русија не сака преговори, но се обидува да избегне одговорност. Очигледно е, така што преминуваме на трибуналот“, напиша Подољак на Твитер.

Претходно медиумите објавија дека рускиот претседател Владимир Путин изјавил дека Русија не се откажува од преговорите за ситуацијата во Украина.

Путин во интервју за телевизијата „Русија-1“, одговарајќи на прашањето дали се приближуваме до опасна линија во однос на ситуацијата во Украина, рече дека тоа не го смета за толку опасно и дека Русија дејствува во интерес на граѓаните пренесува РИА Новости.

„Мислам дека тоа не е толку опасно. Мислам дека постапуваме во вистинска насока, ги штитиме нашите национални интереси, интересите на нашите граѓани, нашиот народ. И едноставно немаме друг избор освен да ги заштитиме нашите граѓани “, истакна рускиот лидер.

Путин изјави дека Русија секогаш се обидувала да ги реши сите спорови по мирен пат, преку преговори, но дека другата страна има поинаков став.