„ЕВРОПА ИМА ТРИ ДО ПЕТ ГОДИНИ ДА СЕ ПОДГОТВИ ЗА ВОЈНА СО РУСИЈА“: Драматично предупредување од премиерот на балтичката членка на НАТО

Каја Калас, премиерка на Естонија, смета дека Европа има три до пет години да се подготви за можна воена закана од Русија на источното крило на Северноатлантската алијанса.

Во интервју за британски Тајмс, Калас се осврна на проценката на естонското разузнавање, според која, во случај на хипотетичко примирје со Украина, на Русија и требаат три до пет години за да ја обнови воената закана на границата на источниот дел на НАТО земји членки.

„Нашето разузнавање проценува дека тоа е три до пет години и тоа во голема мера зависи од тоа како ќе управуваме со нашето единство и ќе го задржиме нашиот став кон Украина. Затоа што она што го сака Русија е пауза, а оваа пауза е да ги собере своите ресурси и сила Слабоста ги провоцира агресорите па слабоста ја провоцира Русија“, рече таа.

Затоа, според естонскиот премиер, Западот треба да ја зголеми воената поддршка на Украина за да може да нанесе тежок удар и да ја лиши Русија од можноста со години да им се заканува на соседите.

Таа смета дека долгорочно НАТО мора да усвои стратегија за „одвраќање“ на Русија, по примерот на Студената војна, која предвидува зголемување на трошоците за одбрана на секоја земја-членка на најмалку 2,5 отсто од нивниот БДП.

„Русија никогаш не ја изгуби својата последна колонијална војна. Читав многу и се обидов да разберам како можеме да го прекинеме овој историски циклус. А клучен елемент за тоа е одговорноста. Тие никогаш не одговараа за злосторствата што ги направија“, нагласи Калас.