Зеленски: Украина ќе им ја врати слободата на украинските мажи и жени

„За жал, сите празници оваа година имаат горчлив вкус за нас. И го чувствуваме традиционалниот дух на Божиќ поинаку“.

Украина ќе им ја врати слободата на сите мажи и жени во земјата, рече украинскиот претседател Владимир Зеленски во предвечерието пред Божиќ, јавува Агенција Анадолија (АА).

„Некој ќе го дочека овој Божиќ во заробеништво, но нека се сети дека ние доаѓаме за нашиот народ, ќе им ја вратиме слободата на сите Украинци, мажи и жени“, рече Зеленски.

Тој упати божиќна честитка до православните христијани кои го одбележуваат Божиќ според западните обичаи. „За жал, сите празници оваа година имаат горчлив вкус за нас. И го чувствуваме традиционалниот дух на Божиќ поинаку“, рече тој.

Истакнувајќи дека војната против Русија во Украина трае веќе осум години, порача дека тие ќе продолжат да се борат за својата вера и слобода.

„Издржавме напади, закани, нуклеарни уцени, терор, ракетни напади. Да ја издржиме оваа зима бидејќи знаеме за што се бориме“, рече украинскиот претседател.

Тој порача дека солзите ќе бидат заменети со радост, надежта ќе дојде по очајот и смртта ќе биде поразена од животот.