Лавров: 2022 година ѝ покажа на Русија кому не може да му се верува

„Ситуацијата конечно и неотповикливо се разјасни… со кого може да се преговара и кому отсега натаму не може да му се верува“, рече рускиот министер.

Изминатата година ѝ откри на Русија со кои земји и актери може „да се преговара“, а на кои „не може да им се верува“, рече денес рускиот министер за надворешни работи, пренесува Агенција Анадолија (АА).

„Ситуацијата конечно и неотповикливо се разјасни… со кого може да се преговара и кому отсега натаму не може да му се верува“, рече Сергеј Лавров во интервју за телевизијата Россија-1.

Лавров додаде дека изминатата година помогнала да се разјаснат „намерите и плановите“ на земјите од меѓународната арена.

Русија е погодена, едно по друго, со меѓународни санкции од почетокот на војната во Украина на почетокот од оваа година, меѓу кои и забрани за патувања и трговија, замрзнување на имот и ограничување на цената на нејзиниот извоз на нафта.

На 1 декември, американскиот претседател Џо Бајден рече дека е подготвен да разговара со неговиот руски колега Владимир Путин доколку постои искрен интерес да се стави крај на конфликтот, што започна во февруари.

Но, Русија ги отфрли барањата дека целосно ќе се повлече од Украина поради идни преговори за прекин на нејзината „специјална воена операција“.