Израел продолжува со офанзивата во Газа, во изминатите 24 часа загинаа 165 Палестинци

– Во израелските напади врз Појасот Газа од 7 октомври минатата година загинати се 24.927 Палестинци.

Министерството за здравство во Газа соопшти дека во израелските напади во последните 24 часа загинати се 165 Палестинци, а 280 се повредени.

Соопштено е дека многу луѓе се уште под урнатините поради разорувањето предизвикано од нападите.

Екипите на цивилната одбрана и итната медицинска помош имаат потешкотии да стигнат до цивилите кои се наоѓаат под урнатините.

Министерството соопшти дека бројот на повредени Палестинци од 7 октомври е зголемен на 62.388.