Сабаленка ја одбрани титулата на Австралија опен

Арина Сабаленка ја одбрани титулата на Австралија опен. Тенисерката од Бедлорусија во финалето ја победи Кинвен Женг од Кина со 6:3, 6:2.

Сабаленка во финалето влезе како апсолутна фаворитка и таа улога ја во целост ја оправда. Женг, првата тенисерка од Кина, по Ли На, која успеа да влезе во финалето на Австралија опен, немаше никакви шанси во борбата за трофејот.

Сабаленка, во раната фаза од првиот и вториот сет успеваше да направи брејк, а останатото беше чиста рутина. Мечот во Мелбурн траеше 76 минути.

Белорусинката ја освои втората грен слем титула во кариерата, но и покрај тоа ќе остане втора на ВТА листата, зад Ига Швјонтек. Женг благодарение на пласманот во финалето за прв пат во кариерата ќе биде дел од Топ 10 на ВТА листата.