Доминантна победа на Гут-Бехрами во Кронплац

Лара Гут-Бехрами оствари убедлив триумф во трката во велеслалом во рамките на Светскиот куп во Кронплац, Австрија.

Швајцарката беше најбрза во првото возење, а во второто рутински ја сочува предноста што ја стекна и победи со вкупен резултат 2:00.64.

Второто место го поделија Австралијката Алис Робинсон и Швеѓанката Сара Хектор. Имаа минус од секунда и девет стотинки во однос на Гут-Бехрами.

Со оваа победа Швајцарката го презеде првото место во генералниот пласман во велеслалом со 485 бодови, пред Италијанката Федерика Брињоне која има 460.

Во генералниот пласман и натаму води Американката Микаела Шифрин со 1209 бодови, додека втора е Гут-Бехрами со 1014.