(ВИДЕО) Едно лице загина, повеќемина се повредени во пукање во Канзас Сити на прославата за освојувачите на Суперболот

Пукотницата се случила во близина на железничката станица Унион, каде што само неколку моменти претходно играчите на американскиот фудбалски тим Канзас Сити Чифс им се обратиле на навивачите. Точниот број на повредени засега не е познат иако претставник на противпожарната бригада изјави дека во пукотницата се повредени меѓу 10 и 15 лица

Едно лице загина, а повеќемина други се ранети во пукање во Канзас Сити, Мисури во близина на местото на шампионската парада во чест на фудбалерите на Канзас Сити Чифс кои го освоија Суперболот.

Од прославата на победата на Супербол на фудбалскиот тим Канзас Сити Чифс / Фото: EPA-EFE/DAVE KAUP

Точниот број на повредени засега не е познат иако претставник на противпожарната бригада на Канзас Сити изјави дека во пукотницата се повредени меѓу 10 и 15 лица. Тројца од нив се во критична состојба, а петмина други се тешко повредени. Не е јасно дали сите повредени се здобиле со прострелни рани или имаат друг вид повреди.

BREAKING: Gunfire erupts at the end of the Super Bowl parade in Kansas City, MO pic.twitter.com/EHzpNFRDxL

— BNO News (@BNONews) February 14, 2024

Двајца осомничени за вооружениот напад се уапсени, а мотивите за пукањето засега не се познати.

Пукотницата се случила во близина на железничката станица Унион, каде што само неколку моменти претходно играчите на американскиот фудбалски тим Канзас Сити Чифс им се обратиле на навивачите.

Проценките се дека на прославата биле околу еден милион луѓе, а меѓу нив и гувернерите на Канзас и Мисури кои биле безбедно евакуирани од местото по инцидентот.

Белата куќа соопшти дека за пукањето е информиран и претседателот Џо Бајден.

Си-ен-ен објави дека денешното пукање во Канзас Сити е 48. масовно пукање во Соединетите Американски Држави од почетокот на 2024 година.

– Реклама –

<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>