ЕУ го повика на разговор рускиот дипломат во Брисел, побара Русија да дозволи меѓународна истрага за смртта на Навални

Белгија, Франција, Германија и Полска се меѓу земјите кои ги повикаа на разговор руските амбасадори по смртта на рускиот опозиционер. В петок, пак, се очекува Соединетите Американски Држави да објават нови санкции против Русија поради смртта на Навални

Европската Унија објави дека го поканила рускиот претставник во ЕУ на разговор во Брисел поради смртта на најистакнатиот руски опозициски лидер Алексеј Навални во затворот во Сибир.

Фото: EPA-EFE/DAVID MDZINARISHVILI

Во соопштението на дипломатската служба на ЕУ се наведува дека генералниот директор на ЕУ за Источна Европа, Русија и Централна Азија, Мајкл Зиберт, го поканил на разговор Кирил Логвинов и го пренел повикот до Русија да дозволи независна и транспарентна меѓународна истрага на околностите за смртта на Алексеј Навални.

„ЕУ ја изрази својата огорченост поради смртта на рускиот опозициски политичар Алексеј Навални, за што претседателот Путин и руските власти ја сносат крајната одговорност“,

се додава во соопштението.

Белгија, Франција, Германија и Полска се меѓу земјите кои ги повикаа на разговор руските амбасадори по смртта на рускиот опозиционер Алексеј Навални. Во петок, пак, се очекува Соединетите Американски Држави да објават нови санкции против Русија поради смртта на Навални.

Најгласниот критичар на рускиот претседател Владимир Путин почина на 16 февруари во затворот во Сибир. Неговото тело, како што ѝ било соопштено на мајката на Навални, ќе биде задржано две недели поради хемиски анализи. Од руските власти засега нема информации каде точно се наоѓа телото на рускиот опозициски лидер, а сопругата на Навални, Јулија, ја обвини Москва оти го крие неговото тело.

– Реклама –

<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>