Норвешки крузер во карантин во близина на Маурициус, се сомнева на колера
Маурициус одби дозвола норвешкиот брод за крстарење да се закотви во главниот град Порт Луис поради стравувањата од можна појава на колера на бродот. Најмалку 15 луѓе на бродот „Норвешка зора“ се во изолација поради сомневање за болест. Властите на Маурициус рекоа дека одлуката за блокирање на бродот „е донесена за да се избегнат какви било здравствени ризици“.
Вчера се земени мостри за тестирање, а резултатите треба да се знаат утре. Патниците за време на патувањето во Јужна Африка развиле благи симптоми на стомачно заболување, изјави претставник на „Норвешката круз лајнс холдингс“. Холандски патник на бродот за „БН Дестем“ изјавил дека капетанот им рекол дека таму може да избие колера.
Во текот на изминатите неколку месеци, имаше епидемија на колера во јужна Африка, а најпогодена е Замбија. Според податоците на ОН, од јануари 2023 година, најмалку 188.000 луѓе се заразени со колера во седум јужноафрикански земји. Повеќе од 3000 луѓе починале.
„Здравјето и безбедноста на патниците, како и на земјата во целина, се од најголема важност за властите“, соопшти Капетанијата на пристаништата во Маурициус. Бродот пристигна во Маурициус во саботата навечер и требаше да застане на островот Реунион.
Во бродот има 2184 патници и 1026 членови на екипажот. Во Порт Луис требало да се симнат околу 2.000 луѓе, а во исто време се очекувало да се качат уште 2.000. Оние кои треба да се симнат односно да се приклучат на крстарењето ќе можат да го направат тоа на 27 февруари, изјави портпаролот на норвешката линија за крстарење.
<!– PA Ad Tag – infomax.mk_ros_300x250
