Челзи и Манчестер Јунајтед тешко до четвртфиналето
Во средата вечерта се одиграа последните четири натпревари од осминафиналето на англискиот ФА Куп, а натаму успеаја да минат фудбалери на Челзи, Манчестер Јунајтед, Вулверхемптон и Ливерпул.
Челзи на домашен терен го победи второлигашот Лидс Јунајтед со 3:2, а решавачкиот гол беше дело на Галагер во 90. минута. Второлигашот Лидс, кој минатата сезона играше во Премиер лигата, поведе во осмата минута кога Џозеф постигна гол. Челзи направи резултатски пресврт во своја полза со головите на Џексон во 15. минута и на Мудрик во 37. минута, додека Џозеф го постигна својот вториот гол, овојпат за 2:2, во 59. минута. Се надзираа продолженија на „Стемфорд Бриџ“ кога Галагер постигна гол за голема радост на домашните навивачи.
На подеднакво драматичен начин Манчестер Јунајтед се пласираше во четвртфиналето, победувајќи го Нотингем Форест со 1:0 на гостински терен. Мрежите мируваат до 89. минута кога Бразилецот Касемиро го постигна решавачкиот гол.
Со истиот резултат Вулверхемптон го победи Брајтон на својот стадион, а таму се беше решено веќе во втората минута, бидејќи Лемина го постигна единствениот гол на натпреварот.
Ливерпул на „Енфилд“ го победи второлигашот Саутемптон со 3:0. Овој натпревар домашните поради големиот број повредени играчи го одиграа во „шарена“ постава, а стрелци беа Кумас во 44. минута и Данс двапати, во 73. и 88. минута.
На почетокот на седмицата, во четвртфиналето се пласираа Манчестер Сити, Њукасл, Лестер и Ковентри.
