(Видео) Леброн влезе во историјата на НБА, Лејкерси поразени од Денвер

Кошаркарите на ЛА Лејкерс и Денвер одиграа одличен натпревар во Крипто Арената, кој заврши со победа на актуелните шампиони 124:114.

На домашен терен против брабителот на трофејот, Џеброн Џејмс влезе во историјата на НБА лигата. Тој е првиот кој ја надминал бројката од 40.000 поени во кариерата. Кога гои постигна поените со кои ја надмина магичната граница натпреварот беше накратко прекинат за да се одбележи овој голем момент во историјата на кошарката.

Леброн на подарок ја доби топката со која ги постигна историските поени.

Леброн Џејмс натпреварот го заврши со 26 поени.

HISTORY. https://t.co/wKcT0F54Op pic.twitter.com/GiixG5yVI6

— NBA (@NBA) March 3, 2024

Славеничката вечер во Лос Анџелес ја расипа Никола Јокиќ. Асот на Денвер го предводеше својот тим до шестата победа во низа со 35 поени, девет скока и седум асистенции.

Покрај Јокиќ, во тимот на Денвер, Мајкл Портер Јуниор постигна 25 поени, Џамал Мареј запиша поен помалку, додека Арон Гордон мечот го заврши со 18 поени.

Од друга страна, кај Лејкерси двоцифрени беа: Хачимура 23, Ривс 19, а Ентони Дејвис и ДеАнџело Расел по 17 поени.