„Фоден во моментов е најдобар играч во Премиер лигата“

Менаџерот на Манчестер сити, Пеп Гвардиола, во суперлативи зборуваше за играч Фил Фоден. Актуелниот шампион го совлада Манчестер јунајтед со 3:1 по пресвртот во вториот дел.

Пресвртот го режираше Фоден со два гола, а точка на натпреварот стави Ерлинг Халанд.

„Во моментв тој е најдобриот играч во Премиер лигата“, рече Гвардиола без двоумење, осврнувајќи се на фактот дека крилниот напаѓач на неговиот тим одигра 40 натпревари досега во сезоната.

„Тој отсекогаш бил талентиран фудбалер, но сега созреа и подобро ја разбира играта, особено дефанзивниот дел. Може да игра на средина, десно, може да пробие внатре, лево, да дава голови. Што да се каже повеќе за него? Тој е најдобриот играч во лигата во моментов поради се што прави“, заклучи Гвардиола.