Еден-два победа за Ред Бул, дебитантот Берман седми

Макс Ферстапен убедливо славеше во Џеда во трката за Големата награда на Саудиска Арабија и го најави дека ќе се прошета до четвртата титула светски шампион. Ова беше 56. победа за Холанѓанецот.

Ферстапен победи со 13 секунди пред клупскиот колега Серхио Перез, кој без многу проблеми заврши на втората позиција. Возачот на Ферари, Шарл Леклер се искачи на најниското скалило на подиумот.

Самата трка не донесе речиси никаква драма. Освен стандардниот интересен почеток и инцидентот на Ленс Строл кога се заби во ѕидот, речиси ништо интересно не се случи.

Макс одлично ја контролираше трката, Перез го следеше од второто место, а Ред Бул, како и во Бахреин, оствари двојна победа.

Трката од 15. круг беше многу монотона и внимание привлекуваше само дуелот меѓу Хамилтон и Пјастри за петтото место во тој момент. Ниту со помош на ДРС, Пјастри не успеа да го претекне седумкратниот светски шампион.

Успеа кога Хамилтон влезе во боксот. До крајот се водеше само борба за осмо и деветто место меѓу Норис и Хамилтон, која Норис ја доби.

Од четврто до десетто место се пласираа беа Пјастри, Алонсо, Расел, Берман, кој го замени Саинц, Норис, Хамилтон, додека поен за десеттото место освои Хулкенберг.