Кривични пријави за измама: Го довела во заблуда дека ќе се венчаат, тој и дал над 6.000 евра и накит

СВР Тетово поднесе кривична пријава против И. С. (68) од тетовското село Нераште и Е. А. Н. (39) од тетовско Слатино поради постоење основи на сомнение за сторено кривично дело „измама“.

Како што информира МВР, И. С. запознал едно лице со Е. А. Н, која лажно му се претставила.

– Откако го довела во заблуда дека ќе се венчаат, тој во повеќе наврати ѝ дал 6.300 евра и накит.