Почина бугарскиот патријарх Неофит

Патријархот Неофит, како што објави Бугарската православна црква (БПЦ), починал вчеравечер околу 22 часот на Воено-медицинската академија во Софија како последица на повеќекратно откажување на органите. Во ноември лани тој беше хоспитализиран поради белодробно заболување

Поглаварот на Бугарската православна црква (БПЦ) и митрополит на софиската епархија, Неофит (79), почина синоќа по долго боледување, објави Синодот на БПЦ на својата официјална веб-страница.

Поглаварот на Бугарската православна црква (БПЦ), Неофит / Фото: EPA/VASSIL DONEV

Патријархот Неофит, како што објави БПЦ, починал вчеравечер околу 22 часот на Воено-медицинската академија во Софија како последица на повеќекратно откажување на органите.

Во објавата во која ја обзнанува смртта на поглаварот, кој беше на чело на Бугарската православна црква од 2013 година, Синодот на БПЦ ги повика верниците да се молат на Бога за успокојување на неговата душа.

„Нека е вечен, благословен и светол споменот на нашиот пресвет отец Неофит, патријарх бугарски и митрополит софиски. Господ да му ја упокои душата! Неговото небесно царство!“

пишува, меѓу другото, во објавата на Синодот на БПЦ.

Веста за смртта на бугарскиот патријарх дојде неколку месеци откако во ноември 2023 година тој беше примен на Воено-медицинската академија во Софија со белодробна болест. Додека беше хоспитализиран, функциите на поглаварот на БПЦ ги извршуваше митрополитот великотрновски Григориј.

Според статутот на Бугарската црква, во рок од една недела по смртта на патријархот мора да се избере заменик-претседател на Синодот, а потоа може да започне организацијата за избор на нов патријарх. Изборот мора да се одржи до четири месеци по смртта – односно до јули годинава БПЦ мора да има нов патријарх.

Неофит беше на чело на Бугарската православна црква од 24 февруари 2013 година.

– Реклама –

<!–/*
* The backup image section of this tag has been generated for use on a
* non-SSL page. If this tag is to be placed on an SSL page, change the
* 'http://ads.365.mk/www/delivery/…'
* to
* 'https://ads.365.mk/www/delivery/…'
*
* This noscript section of this tag only shows image banners. There
* is no width or height in these banners, so if you want these tags to
* allocate space for the ad before it shows, you will need to add this
* information to the tag.
*
* If you do not want to deal with the intricities of the noscript
* section, delete the tag (from … to ). On
* average, the noscript tag is called from less than 1% of internet
* users.
*/–>