Наградниот фонд во ЛШ зголемен за половина милијарда евра

Лигата на шампионите го менува форматот од следната сезона, а тоа доведе до зголемување на наградниот фонд кој од две милијарди евра се зголеми на 2,5 милијарди.

За пласман во елитното европско натпреварување клубовите наместо досегашните 15,64 милиони ќе инкасираат 18,62 милиони евра. Секоја победа ќе донесе 2,1 милиони евра на сметката на учесникот, додека за нерешниот резултат ќе носи 700.000 евра.

За потсетување, следната сезона во Лигата на шампионите наместо досегашните 32 ќе играат 36 клубови. Нема повеќе групна фаза туку се игра една лига.

Во новиот формат, секоја екипа ќе игра осум наместо шест натпревари и ќе собира бодови за пласман во следната фаза. Веќе нема да играат против истите противници дома и на гости.

Првите осум од табелата ќе се пласираат директно во осминафиналето. Екипите пласирани од 9 до 24 место ќе играат плеј-оф за пласман меѓу најдобрите 16 (еден натпревар дома и еден на гости).

На ждрепката за плеј-офот екипите ќе бидат поделени во две групи, носители (од 9. до 16. место во лигата) и неносители (од 17. до 24. место). Потоа, победниците ќе играат против еден од осумте најдобро пласирани од првото коло.

#UEFA #ChampionsLeague is set to change from 24/25. Not only is the number of teams increasing from 32 to 36, resulting in 64 added matches but it also results in an increased payouts to the participating teams

Reports indicate the total prize money to be distributed among all… pic.twitter.com/nXRnJaq3tM

— Sports Business Inst (@SBI_Barcelona) March 28, 2024