Сред избори Општина Ѓорче Петров троши над 10 милиони денари за времени вработувања

Додека јавноста е фокусирана на изборната кампања, општините продолжуваат со своите редовни активности.

А една од редовните активности се и времените вработувања во единиците на локалната самоуправа.

Пред една недела Општина Ѓорче Петров склучила еден таков договор за услуги за привремени вработувања.

Вредноста на договорот со ДДВ е 10,6 милиони денари или над 170.000 евра со времетраење од една година.

Тоа е за речиси 25% поголем износ од минатата година кога општина Ѓорче Петров со истата агенција склучила Договор во вредност од 8,2 милиони денари со вклучено ДДВ.