(ВИДЕО) Ирански командоси се спуштија од хеликоптер и запленија брод поврзан со Израел
Официјален претставник на иранската одбрана сподели видео на кое се гледаат командоси како слегуваат од хеликоптер на куп контејнери на палубата на бродот. Се слуша како член на екипажот во авионот вели: „Не излегувај“
Иранската револуционерна гарда го заплени бродот „МСЦ Ариес“ за кој велат дека е „поврзан со Израел“, јавува иранската државна новинска агенција ИРНА. Иранците најавија дека ќе го преместат бродот во иранските територијални води.
Операцијата била изведена на тој начин што иранските командоси се симнале од хеликоптер на брод кој пловел под португалско знаме. Сето тоа се случило на околу 80 километри североисточно од градот Фуџаира во Обединетите Арапски Емирати (ОАЕ), според британската трговска поморска служба.
Официјален претставник на иранската одбрана сподели видео на кое се гледаат командоси како слегуваат од хеликоптер на куп контејнери на палубата на бродот. Се слуша како член на екипажот во авионот вели: „Не излегувај“.
Footage shows the moment an “Israeli”-linked ship, MSC Aries, has been captured near the strait of Hormuz by Iranian special forces pic.twitter.com/MaQ2tnd6Qu
— S p r i n t e r F a c t o r y (@Sprinterfactory) April 13, 2024
Од „Зодијак маритајм“ потврдија дека се сопственици на запленетиот брод „МСЦ Ариес“, на кој имало 25 членови на екипажот. Тие потврдија дека бродот е пренасочен кон Иран.
„Ние тесно соработуваме со надлежните власти за да ја обезбедиме нивната благосостојба и безбедно враќање на бродот“,
се вели во соопштението.
Даниел Хагари, портпарол на израелската армија, предупреди дека Иран ќе ги сноси последиците ако одлучи дополнително да ја ескалира ситуацијата.
„Ние сме во состојба на готовност. Ја зголемивме нашата подготвеност да го заштитиме Израел од понатамошна иранска агресија. Подготвени сме да одговориме“,
рече тој.
Информациите за инцидентот доаѓаат во време на зголемени тензии меѓу Иран и Израел. Светот со денови очекуваше Иран или неговите партнери да го нападнат Израел како одмазда за минатонеделниот напад врз иранската амбасада во Дамаск, во кој загинаа висок командант на иранската Револуционерна гарда и уште шест офицери.
Иранците се заканија дека ќе го затворат Ормутскиот Теснец
Израел не ја презеде одговорноста за воздушниот напад на иранската амбасада на 1 април, но иранскиот врховен лидер Али Хамнеи рече дека Израел мора да биде казнет и ќе биде казнет за операцијата, за која рече дека се чини дека била извршена на иранска територија.
Командантот на Воената морнарица на Револуционерната гарда на Иран во вторникот рече дека Техеран го гледа присуството на Израел во ОАЕ како закана. Тој посочи дека Техеран може да го затвори Ормутскиот Теснец, влезот во Заливот, доколку смета дека е потребно.
Фуџаира се наоѓа на источната страна на Ормутскиот Теснец. Хутите, кои се на страната на Иран, со месеци организираат напади врз бродови во Црвеното Море.
