Како руската забрана за продажба на нафта на Запад ќе влијае на снабдувањето? Иако изгледа како остар потег, Путин (сепак) одигра зихерашки!?

Ова де факто значи забрана за продажба на секој кој ја поддржува примената на т.н ценовната граница која и е наметната на Русија од членките на земјите од Г-7

Рускиот претседдател Владимир Путин објави забрана за продажба на сурова нафта и нафтени деривати според договори кои „директно или индиректно подразбираат примена на механизам за ограничување на цените“, што де факто значи забрана за продажба на сите земји кои ја поддржуваат примената на т.н. ценовно ограничување кои се членки на државата Г-7 наметнати на Русија.

Ограничувањето на цената наметнато од Г-7 како дел од проширените меѓународни санкции поради руската инвазија на Украина се заснова на забрана за осигурување на транспортот на целата нафта што се продава по цена повисока од 60 долари, што беше нивото на цената под кое се спушти барелот нафта уште пред воведувањето на тој нов механизам за санкции. Сега останува да се види како контрамерката на Путин ќе влијае на понудата на членките на Г-7, како и на цените на западните пазари.

Имајќи предвид дека ограничувањето на цената на Г-7 важи и за нафтата што не се транспортира само во земјите од Г-7, туку се применува на глобално ниво, декретот на Путин остави простор за „давање посебни одобренија“. Овој потег ќе и овозможи на Русија да продолжи да продава нафта на големите пазари како Кина или Индија. На пример, познато е дека во моментов најмалку седум танкери за сурова нафта пловат од Русија до Индија, а се осигурени од западни осигурителни компании, што значи дека транспортираат нафта по цена под лимитот наметнат од Г-7.

Познато е дека Русија во меѓувреме создаде флота танкери во „сенка“ кои ќе превезуваат руска нафта без вообичаените меѓународни стандарди, што значи дека можат да ги заобиколат западните санкции и без „да даваат посебни одобренија“.

Експертите толкуваат дека контрамерките на Путин се поблаги од оние што би можеле да се прочитаат како предлози во руските медиуми; утврдување на најниската можна цена на нафтата, како и највисокото ниво на можен попуст.

Указот на Путин со кој се забранува продажба на нафта на земји според договори кои го почитуваат ценовниот лимит на Г-7 ќе стапи на сила на 1 февруари и ќе важи пет месеци, додека Кремљ подоцна ќе ги одреди роковите за аплицирање за деривати.

Во моментов Русија продава 80 отсто од нафтата во Азија и само 17 отсто во Европа, а две третини од таа количина пристигнува во Европа преку нафтоводот Дружба.

И со цена од 60 долари, руските буџетски планови нема да пропаднат. Имено, рускиот национален буџет претпостави цена на нафтата од 70 долари за планирање на приходите во 2023 година, што не е драматично повеќе од 60 долари, а во меѓувреме меѓународниот пазар се покажа како поефикасен во регулирањето на цените отколку административните забрани.