Србите го бојкотираат референдумот на северот од Косово: Нема ни 1% излезеност

Централната изборна комисија на Косово соопшти дека до 11 часот во четири општини на север гласале 85 лица, што е 0,18 отсто од вкупниот број запишани избирачи.
Во Северна Митровица гласале 32 лица, во Звечан немало гласачи, во Лепосавиќ 46, додека во Зубин Поток седум лица.

Право на глас на референдумот за смена на градоначалниците на четири општини на северот на Косово имаат 46.556 граѓани.

Во четири општини на северот на Косово денеска се организира референдум за импичмент на градоначалници од албанска националност, избрани минатата година со гласовите на неколку отсто од гласачите, а српските партии на Косово повикаа на бојкот.

За да успее референдумот треба да излезат 50 отсто плус еден од запишаните гласачи. ЦИК испечати 40.000 гласачки ливчиња.

<!– PA Ad Tag – infomax.mk_ros_300x250