И во Бугарија како кај нас: Претставничката во ОН гласала „за“ Резолуцијата за Сребреница, иако премиерот барал да биде воздржана?
Бугарскиот премиер Димитар Главчев испрати писмо до постојаната претставничка на Бугарија во Обединетите нации Лачезара Стоева во кое бара од неа да се воздржи за време на гласањето на Генералното собрание на ОН за Резолуцијата за Сребреница, пишува Факти.
Стоева го одби барањето на премиерот и гласаше за Резолуцијата на која коавтор беше Бугарија, додава овој медиум.
Истражувачкиот сајт „Брд“ објави документи кои покажуваат промена на ставот на Софија, по разговорот меѓу српскиот претседател Александар Вучиќ и поранешниот премиер Бојко Борисов.
Главчев на 23 мај го испрати барањето до постојаниот претставник на Бугарија во ОН.
Бугарија беше коавтор на нацрт-резолуцијата заедно со Германија и Руанда, а според утврдените правила во ОН тоа значи дека и тие ќе гласаат за неа.
Стоева ја одби директивата на премиерот и во својот одговор до четирите партии даде аргументи зошто Бугарија не може да го смени ставот во последен момент, пред се затоа што тоа ќе влијае на угледот на државата.
Слична беше и ситуацијата во Македонија, каде македонскиот претставник гласаше „за“ Резолуцијата, а неколку днеови потоа претседателката Сињановска Давкова соопшти дека не била консултирана за гласањето.
