Жители на Њујорк со магнет барале богатство, oд езеро извлечен сеф со 100.000 долари

Трагачи на богатство рекле дека додека пребарувале езеро во Њујорк со магнети, извадиле сеф во кој имало околу 100.000 долари. Џејмс Кејн и Барби Агостини во петокот фрлиле јаже со магнети во езерото во паркот Флешинг Медоус Корона во Квинс и го извлекле сефот.

Кога го отвориле, внатре пронашле голема количина банкноти од 100 долари кои биле оштетени од водата. Двојката тврди дека полицијата во Њујорк им дозволила да ги задржат парите бидејќи пронајдениот сеф не бил поврзан со криминални активности.

A couple in Queens were stunned to find $100,000 in cash inside an old safe they dredged up while magnet fishing in a NYC lake.

The two anglers, James Kane and Barbie Agostini, used a strong magnet to fish in the water on Friday afternoon. They felt something bulky on the end… pic.twitter.com/JczNL2ngq6

— Evoclique (@Evoclique_) June 2, 2024

„И порано сме нашле сефови. Кога го извлековме, најдовме огромна сума пари во него. Бевме шокирани. Видовме дебели снопови банкноти. Се разбира, тие беа влажни и доста оштетени. Немаше лични документи во сефот, така што е невозможно да се најде сопственикот“, изјави Кејн за Би-би-си.

Кејн и Агостини почнаа да бараат со магнети за време на пандемијата на Ковид-19. Досега велат дека пронашле гранати од Втората светска војна, пушки од деветнаесеттиот век и мотоцикл.