Германија побара да се поддржи дијалогот меѓу Србија и Косово
Заменик-портпаролката на германската Влада, Кристијане Хофман, истакна дека е важно да се поддржи дијалогот меѓу Србија и Косово.
Хофман во Берлин изјави дека германската Влада го поздравува намалувањето на тензиите меѓу Косово и Србија, додавајќи дека зближувањето на двете земји е добар показател.
Таа потсети дека Србите ги отстраниле барикадите поставени на патиштата во северниот дел на Косово, и дека Косово го отворило граничниот премин со Србија.
„Пред сè важно е да се поддржи дијалогот меѓу Косово и Србија“, нагласи таа.
Хофман истакна дека Германија го поддржува овој дијалог, како и напорите на ЕУ за посредство.
