Пред малку се огласи Албанецот кој ги пцуеше Македонците: Извинете ако навредив некого по мечот со Хрватска…

Само неколку часа откако челниците на УЕФА почнаа истрага против албанскиот репрезентативец, Мирлинд Даку, за неговото пцуење на Македонците по мечот против Хрватска (2-2), тој преку социјалните мрежи испрати извинување со цел да избегне казна поради која може да го пропушти останатиот дел од ЕП 2024.

Во неговото неискрено покајување, барем таков е впечатокот кога ќе се прочита соопштението, тој им се извинува на македонските граѓани, но без воопшто да ги спомне конкретно. Неговото каење се однесува кон тие што се почувствувале навредено од неговото однесување, кое беше недолично и ужасно за професионален фудбалер, макар тој бил од Албанија.

Неговото оправдување е еуфоријата поради освоениот бод против големиот фаворит, како и атмосферата што ја направиле илјадниците албански навивачи. Целото извинување може да го причитата во неговата објава на Фејсбук.