Британската принцеза Ана, помладата сестра на кралот Чарлс е отпуштена од болница по повреда на главата

Британската принцеза Ана, помладата сестра на кралот Чарлс, е отпуштена од болница откако закрепна од полесна повреда на главата, соопшти денеска Бакингемската палата.

Принцезата помина пет дена во болница поради полесна повреда на главата за која се верува дека ја предизвикал коњ, објави Ројтерс.

Кралски извор изјавил дека Ана доживеала потрес на мозокот и не можела да се сети што се случило.