Проблем за Баерн, Ито скрши коска во стапалото

Јапонецот Хироки Ито скршил коска на стапалото, потврди неговиот клуб Баерн Минхен.

„Дефанзивецот се здоби со скршеница на метатарзалната коска во неделата на пријателскиот натпревар против Дирен (1-1). Дијагнозата ја потврди скенерот“, соопштија од баварскиот гигант.

Ито летово се пресели во Баерн од Штутгарт, каде играше три сезони. Баерн за неговиот трансфер издвои 28 милиони евра.

Овој 26-годишен играч кој ги покрива позициите стопер и лев бек, минатата сезона учествуваше на 26 натпревари во Бундеслигата и уште три во Купот на Германија.