Сити ја прифати понудата на Атлетикo за Алварез

Шампионот во Премиер лигата, Манчестер Сити ја прифати понудата на Атлетико Мадрид за Хулијан Алваре. Вечерва или утре трансферот ќе биде официјализиран

„Јорганџиите“ ќе се засилат со уште еден играч од Премиер лигата, бидејќи веќе е договорен трансферот на Конор Галагер од Челзи.

Сити ја прифати понудата на Атлетико за аргентинскиот напаѓач од 75 милиони евра, плус 20 милиони евра преку бонуси. Ова ќе биде најголемиот излезен трансфер во историјата на Манчестер Сити.

Алварез ова лето побара трансфер, незадоволен од неговиот статус во тимот. Напаѓачот изрази желба да оди некаде каде што ќе има поголема минутажа и каде што има поголеми шанси да биде стартер, бидејќи Ерлинг Холанд е неприкосновен во Сити.

Минатата сезона Алварез забележа 19 голови и 13 асистенции на 54 натпревари во сите натпреварувања.