Најстариот коњак на светот чуван во буре се продава за 32.000 долари

Hermitage Siècle d’Or ги прави прославите безвременски со своето неверојатно 100-годишно издание…

Со цена од неверојатни 31.693 долари, овој коњак е достапен во само 68 еднолитарски декантери. Наречен Siècle d’Or, по Златното доба на Франција, исклучителниот коњак е резултат на ненадминати состојки. Произведен од грозје Ugni Blanc од Францускиот регион Lignières Sonneville, коњакот е збогатен со користење на традиционални бакарни алембични дестилатори Charentais и флаширан со 40,5% алкохол.

Hermitage Siècle d’Or е претставен во декантери со кристали, грижливо рачно изработени во Велика Британија, со златни листови и индивидуално нумерирани. Овој колекционерски предмет доаѓа во дрвена кутија за презентација, со писмо од основачот и претседател на Hermitage Cognac брендот, Дејвид Бејкер, во кое се откриваат информации за коњакот.

Дејвид Бејкер изјавил: „Тоа е еден од ретките коњаци старени во визба во срцето на главниот регион со кру коњак, познат како Гранде Шампањ,долгото созревање создаде широка сложеност на богати вкусови и ароми, кои се заеднички само за најфините и најстарите коњаци“.

Непроменет и неизмешан со векови, вкусот е извонреден со ненадмината рамнотежа и длабочина. Какаото, карамелите, печурките, ѓумбирот, захаросаното овошје и кумкватот ослободуваат богат интензитет што се наоѓа само во најретките коњаци.