Херберт: Нека ми простат финалистите, но Србија е најдобриот тим на турнирот

Селекторот на Германија во заминување, Гордон Херберт, по поразот на неговиот тим во мечот за бронзениот медал, подели низа комплименти за српската репрезентација.

Кошаркарската репрезентација на Србија ја совлада Германија со резултат 93:83 во „малото финале“ на Олимписките игри во Париз.

Селекторот на Германија рече дека Србија најдобрата селекција на турнирот.

„Не заврши како што сакавме, но овие момци три години ја дадоа душата и срцето. Бевме вистинско семејство. Честитки за Србија, нека ми простат Французите… Америка и Франција се во финалето, но ние игравме против против најдобриот тим. Тажен сум затоа што дојдов до крајот на патот. Ова беше неверојатно патување со овие луѓе, со овие играчи. Тој натпревар со Франција…Бев фрустриран. Го плативме данокот на тој натпревар, но не смееме да заборавиме што се направи овој тим за три години. Игравме одлична кошарка, дадовме се од себе“, изјави Херберт кој повеќе нема да биде селектор на Германија, од наредната сезона ќе го предводи Баерн Минхен.