Гатузо го отстранил Перишиќ поради недисциплина

Иван Перишиќ веројатно најголемото и најзвучно засилување во историјата на Хајдук со одлука на тренерот Џенаро Гатузо е исфрлен од првиот тим.

Хајдук, в недела од 18:30 часот ќе одигра натпревар од второто коло во хрватскиот шампионат против Локомотива во Загреб.

Пред натпреварот, тренерот Гатузо донесе одлука која ја шокира хрватската јавност. Поради недисциплина го исфрли од тимот Иван Перишиќ и тој нема да биде во конкуренција за натпреварот против Локомотив.

Засега, како што објавија хрватските медиуми, не се знае кога ќе се врати Перишиќ и каква ќе биде неговата понатамошна судбина.

Перишиќ сезонава забележа четири настапи и одигра само 149 минути, без конкретен учинок.

Ова не е прв пат Гатузо да исфрли важен играч од тимот на Хајдук. Пред гостувањето на Фарските Острови, Илијанецот го отстрани Емир Сахити (25) поради недисциплина, но Сахити беше вратен тимот веќе за следниот натпревар против Славен Белупо.