(ВИДЕО и ФОТО) Волшебната градина во Дубаи е најголемата цветна градина во светот

– Градината во Дубаи се простира на површина од над 72.000 квадратни метри

 Волшебната градина во Дубаи во Обединетите Арапски Емирати (ОАЕ) е најголемата градина со природно цвеќе во светот.

Градината, поради огромната површина што ја зафаќа, како и поради различните видови цвеќе, денес е вистинска туристичка атракција и неизбежна локација на мапата на туристи кои го посетуваат Дубаи.

Волшебната градина во Дубаи е запишана во Гинисовата книга на рекорди, а се простира на површина од над 72.000 квадратни метри.

Градината за посетителите е отворена од 2013 година, а се проценува дека во текот на сезоната во градината со полн цут има повеќе од 150 милиони цветови.