ИНФОРМАЦИИ ОД КРЕМЉ – Шефот на украинското разузнавање е убеден: Путин е болен и наскоро ќе умре

Шефот на разузнавачката служба на украинското Министерство за одбрана Кирил Буданов во интервју за ABC News зборуваше за актуелниот развој на ситуацијата и војната во Украина и се осврна на нападите врз руската база Енгелс како и за здравствената состојба на Владимир Путин.

На новинарско прашање дали Украина е одговорна за нападот на базата Енгелс во Русија, Буданов рече дека во оваа фаза од војната не може да одговори на тоа прашање.

„Не можам да одговорам на тоа прашање. Дури по завршувањето на војната. Ми беше драго што го видов тој напад. Тоа е мојата реакција. Мислам дека ќе има повеќе напади. Сè подлабоко и подлабоко во руската територија“, рече Буданов.

Тој исто така нагласи дека нападите може да се однесуваат и на Крим, особено ако се земе предвид фактот дека Крим е дел од Украина и дека, соодветно, Украина може да употреби какво било оружје во таа област.

Потоа Буданов одговори и на прашање за здравствената состојба на рускиот претседател Владимир Путин.

„Да, тој е болен, во терминална фаза. Мислам дека ќе умре многу брзо. Се надевам дека е така. Мислиме дека е рак. Тоа го знаеме од извори блиски до Кремљ, односно самиот Владимир Путин“, рече Буданов.

Меѓу другото, Буданов нагласи дека во случај на смрт на Путин ќе има трансфер на власта, но дека војната во Украина треба да заврши пред смртта на рускиот претседател.