Дибала ги одби милионите од Саудиска Арабија, реши да остане во Рома

Паоло Дибала сепак ги одби милини од Саудиска Арабија (75.000.000 евра за три сезони) и реши да остане во Рома, каде оваа сезона ќе игра за „само“ 6.000.000 евра.

Аргентинецот кој има 30 години го одби најголемиот договор за кариера.

Прашање е дали некогаш повторно ќе добие ваква понуда. Но, тој сакаше да остане во Италија и Рим и да игра фудбал на високо ниво. Неодамна се ожени, па не сакаше првите години од бракот да ги помине според шеријатските закони на Саудиска Арабија.

Откако ја донесе одлуката се огласи на „Инстаграм“.

„Благодарам Рома, се гледаме во недела“.

Рома во недела од 20:45 часот го пречекува Емполи во второто коло од Серија А.