Барселона се договори со Киеза, се чека Јувентус

Барселона постигна договор со италијанскиот фудбалер Федерико Киеза околу трансферот, останува само уште да го договори обесштетувањето.

Јувентус го стави Киеза на трансфер листата откако фудбалерот одби да го продолжи договорот кој истекува наредното лето. Поради тоа Јувентус не е во позиција да бара некоја голема сума за крлниот напаѓач.

Тимот од Шпанија од стартот на преодниот рок е во потрага по крилен напаѓач. Првата желба беше Нико Вилијамс, се споменуваше и Маркус Рашфорд, како и Рафаел Леао, на крајот изборот е Киеза.

Каталонците успеаја да се договорат со него, се ќе треба да постигнат договор со Јувентус околу обесштетувањето.

Наводно, Јувентус бара 15 милиони евра, а Барселона нуди 13 милиони евра. Сепак, се очекува договорот да биде постигнат.