(Видео) Драма на Ју-ес опен, Нишиока во количка го однесоа од теренот

Јапонскиот тенисер Јошихито Нишиока (28) беше принуден да му го предаде мечот на српскиот тенисер Миомир Кецмановиќ (24) во петтиот сет од првото коло на Ју-ес опен.

При резултат 2:2 во сетови (7:6, 2:6, 7:5, 5:7) и 1:0 за Кецмановиќ во петтиот сет со брејк-топка на сервис на Нишиока, Јапонецот падна на подлогата и почна да завива од болка. Инаку, во четвртиот сет Нишиока имаше 5:4 и меч топка, откако не ја искористи му дозволи Кецмановиќ со три гема во низа да го освои сетото и да изедначи на 2:2.

Држејќи се за левата надколеница, во солзи барал лекарска помош, најверојатно поради исклучително силни грчеви. Нишиока и по интервенцијата на докторот не можеше да се движи. Во еден момент покрај него седна и Кечмановиќ, тешејќи го и помагајќи му. По некое време тие ги опколија Јапонците со „жив ѕид“ за гледачите да не ја видат драмата што се одвиваше.

Потоа Нишиока во инвалидска количка и во солзи го напушти теренот, откако претходно 20 минути добиваше помош од медицинскиот тим.

Неговата состојба се уште не е позната откако беше однесен во главната зграда на комплексот каде што се одржува последниот Грен слем турнир во сезоната.

Како одговор на коментарот на еден новинар дека во Њујорк е многу жешко, Кецмановиќ рече: „Не е важно колку е жешко, многу е спарно. Бев исцрпен по првиот сет. За среќа, сонцето се сокри зад облаците. па подоцна беше малку полесно“.