Град Скопје: МОН да ја одобри исплатата на вработените во училиштата кои се под надлежност на Град Скпје

Градот Скопје сака да ги извести вработените во училиштата под надлежност на Град Скопје дека уште на 27.08.2024 година (вторник) е пуштен налог за исплата на додаток на плата – регрес за годишен одмор.

„За да ги добијат овие средства за регрес за годишен одмор вработените во училиштата под надлежност на Град Скопје, Министерството за образование и наука треба да ја одобри исплатата извршена од Град Скопје.

Не сакаме да прејудицираме дека се работи за политички мотивирана одлука со која директно се наштетува на вработените во образовните институции во градот Скопје, но не гледаме друго логично објаснување зошто се блокира оваа исплата од страна на МОН“, стои во соопштението на Град Скопје.