Неверојатен расплет околу Осимен, Италијанците пишуваат дека тој има нов клуб

Виктор Осимен сепак, на крајот, заминува од Наполи. Нигериецот кого Наполи не го регистрира сезонава по неуспешниот трансфер во Арабија, заминува во Турција и до крајот на оваа сезона треба да игра во Галатасарај.

Италијанските медиуми пишуваат дека агентите веќе отпатувале за Истанбул и дека се ќе биде готово до 13 септември, кога трае преодниот рок во Турција.

Италијанците тврдат дека на Осимен му се допаѓа опцијата да замине во Истанбул.

Тој пристигна во Наполи во 2020 година за 78 милиони евра од Лил. За италијанскиот клуб постигна 76 гола со 18 асистенции на 133 натпревари. Летово требаше да направи голем трансфер во Челзи, кој пропадна, а потоа и во Ал Ахли, од кого Наполи во последен момент бараше повеќе од договорените 80 милиони евра.

Кога тоа не успеа, Наполи одби да го регистрира Осимен, на кого претходно му кажа дека повеќе не е добредојден во тимот. Да потсетиме, Нигериецот на почетокот на преодниот рок изјави дека повеќе не сака да игра за Наполи.