Млад човек избоден со нож и натепан во Аеродром

29-годишен жител на селото Батинци вчеравечер бил натепан и избоден со нож во скопската населба Аеродром, соопшти полицијата.

„На 15.09.2024 во 20.50 часот во СВР Скопје било пријавено дека во Градската општа болница „Св.Наум Охридски“ со повреди од остар предмет бил донесен М.Р.(29) од с.Батинци, скопско. Според пријавеното, на подрачјето на општина Аеродром тој, додека бил во своето возило „фолксфаген“ бил нападнат од едно лице, кое употребило остар и тврд предмет и му нанело повреди“, се вели во полициското соопштение.

Полицијата додава дека презема мерки за расчистување на случајот.