Љупчо Палевски-Палчо тврди дека е жртва на политичка местенка и дека не е виновен

Љупчо Палевски-Палчо тврди дека е жртва на политичка местенка и дека не е виновен за убиството на 14-годишната Вања Ѓорчевска и 74-годишниот Панче Жежовски. Денеска во Скопје се одржа првото рочиште за убиствата кои ја потресоа Македонија минатата година. И останатите тројца обвинети, меѓу нив и таткото на Вања, Александар Ѓорчевски се изјаснија како невини пред судот. На барање на мајката и сестрата на Вања, Обвинителството побара јавноста да биде исклучена од судењето, но судот го одби барањето.