Дали сонувате да живеете во Шведска? Еден мал град во Лапонија им плаќа на луѓето да се преселат овде

За да го спаси училиштето и да ги врати жителите, Гломерстраск им нуди на семејствата со деца на возраст меѓу шест и петнаесет години, десет илјади шведски круни (околу 880 евра) доколку се преселат.

Лапонскиот град Гломерстарск во северна Шведска е решен да стави крај на постојано растечката емиграција и се обидува да привлече млади семејства – плаќајќи им да се преселат.

Во Гломерстраск, кој имаше илјада жители во средината на минатиот век, денес живеат само 200 луѓе, а 23 од нив се деца кои ушат во основно училиште. Гимназијата Гломерстраск беше затворена во 2009 година кога останаа само 18 ученици, а сега и на основното училиште му се заканува затворање. Имено, локалниот закон предвидува училиште во кое се запишани помалку од 25 ученици – да престане да работи.

Гломерстраск се наоѓа во прекрасно недопрено природно пространство, во кое треба да се заљубите доколку сакате да живеете во мало гратче кое всушност е доста далеку од се.

Најблискиот град Арвидсјаур, каде што се преселиле и  средношколци од Гломерстраск, е оддалечен околу половина час, техничкиот центар на регионот Скелефтеа е околу еден час со автомобил, додека до крајбрежниот град Лулеа може да се стигне. за два часа.

За да го спаси своето училиште и да ги врати жителите, Гломерстраск им нуди на семејствата со деца на возраст меѓу шест и петнаесет години, десет илјади шведски круни (околу 880 евра) доколку се преселат. Понудата важи за првите пет семејства кои ќе се пријават, а доколку сте заинтересирани за бели зими, борови шуми и живот на север, побрзајте, бидејќи се наведува дека две семејства веќе се пријавиле.

Семејствата мора да се обврзат дека нивните деца ќе поминат најмалку една учебна година во локално училиште, а градот ќе им помогне да најдат работа и домување. Секој со шведска дозвола за престој – без оглед на државјанството – може да се пријави на конкурсот.