ЈСП, наместо 485, треба да добие 645 милиони денари

Наместо предвидените 485 милиони денари, Јавното сообраќајно претпријатие ќе добие од Град Скопје за 2024 година субвенции во износ 645 милиони денари.

Ова е предвидено со измените на одлуката за давање субвенции на ЈСП за 2024 година, што е на дневен ред на наредната седница на Советот на Град Скопје, која ќе се одржи в четврток.

Во образложението на одлуката, како причина за зголемување на износот на предвидените субвенции се наведува подобрувањето на транспортната услуга на граѓаните на подрачјето на Градот Скопје, како и непреченото одвивање на јавниот превоз.