Луѓето кои се вечно незадоволни од животот ќе ги препознаете по овие 7 модели на однесување

Однесувањето како што се споредувањето со другите или постојаното чувство на огорченост може да ја саботира нашата способност да уживаме во животот. Добрата вест, велат психолозите, е дека препознавањето на овие обрасци нуди можност за промена.

Зошто некои луѓе се секогаш незадоволни, без разлика што постигнуваат или доживуваат? На прв поглед може да се каже дека едноставно немаат среќа или дека животот е неправеден кон нив. Меѓутоа, во реалноста, постои подлабока причина за нивното незадоволство.

Многу луѓе кои се заглавени во циклус на незадоволство несвесно повторуваат модели на однесување кои ги туркаат во уште поголемо чувство на несреќа, велат психолозите. Овие модели можат да бидат суптилни, но имаат силно влијание врз нашиот целокупен живот и здравје.

Затоа е важно да се препознаат лошите модели на однесување бидејќи, понекогаш, првиот чекор за промена е препознавање и признавање дека постои проблем. Ова се седумте најчести, несвесно применети модели на однесување.

1. Постојана споредба
Велат дека споредбата е „крадецот“ на радоста, а многу луѓе тоа го прават несвесно, често и на своја штета. Кога упорно ги мериме нашите успеси, богатство или дури и среќа во однос на другите, создаваме простор за незадоволство. Во ерата на социјалните мрежи, каде сите се прикажани во најдобро светло, лесно е да се падне во стапицата на споредбата.

Клиничкиот психолог д-р Џордан Петерсон во својата книга 12 правила за живот советува: „Споредете се со личноста што бевте вчера, а не со некој што сте денес“.

2. Претерано фокусирање на минатото
Луѓето кои се несреќни честопати се фокусираат на грешките од минатото и не можат да го преболат минатото. Живеењето во минатото го спречува уживањето во сегашниот момент и го оневозможува погледот во иднината. Како што изјави психологот Виктор Франкл: „Кога веќе не можеме да ја промениме ситуацијата, предизвикот е да се промениме себеси“.

3. Преголемо его
Егото со умерена големина е здраво и ни помага да ја задржиме самодовербата. Меѓутоа, кога егото станува преголемо, тоа може да не направи несреќни. Таквото его не прави чувствителни на критики, создава потреба за постојано потврдување и го попречува личниот развој.

4. Занемарување на грижата за себе
Луѓето кои се чувствуваат незадоволни често ја занемаруваат грижата за себе. Занемарувањето на основните потреби, како што се спиењето, исхраната и физичката активност, доведува до слаба енергија, слаба мотивација и чувство на безнадежност, но доведува и до депресија. Недостатокот на грижа за себе може да се појави во форма на прескокнување оброци, лоша хигиена или постојано ставање на туѓите потреби пред вашите.

5. Избегнување на непријатност
Иако изгледа природно да се избегне непријатност, на долг рок тоа може да го попречи нашиот раст и среќа. Избегнувањето предизвици може да не зароби во зоната на удобност, спречувајќи го развојот. Прифаќањето на непријатност и борбата против него може да не направи поотпорни и да доведе до подлабоко чувство на исполнетост.

6. Игнорирање на благодарноста
Луѓето кои се несреќни често забораваат на важноста на благодарноста. Кога ја прифаќаме практиката на секојдневна благодарност, може да дојде до промена во перспективата, дури и во тешки времиња. Благодарноста е поврзана со поголемо чувство на среќа, па затоа е важно да ги препознаете добрите работи во животот – без разлика дали се работи за топол кревет, добро здравје, добра работа или поддршка од пријателите.

7. Постојано чувство на незадоволство
Незадоволството е тежок товар што не оптоварува емотивно. Клучот за ослободување од огорченоста лежи во простувањето, но не за да се оправдаат грешките од минатото, туку да се врати внатрешниот мир.