Сателитски снимки покажаа што се случило со Бахмут по шест месеци борби

Објавени се сателитски снимки од компанијата Maxar Technologies од градот Бахмут во областа Донецк, каде со месеци се водат жестоки борби меѓу украинските и руските сили, кои ги покажуваат катастрофалните последици од руската агресија.

Првата снимка пред уништувањето ја покажува ситуацијата на 1 август 2022 година, а втората, ситуацијата на 4 јануари 2023 година, по шестмесечни борби.

„Градот беше во фокусот на интензивните борби меѓу руските и украинските сили во последните 6 месеци, а сликите откриваат голема штета на зградите и инфраструктурата“, соопшти компанијата.

Со месеци руските сили, вклучително и платеници од групата Вагнер, немилосрдно го напаѓаат градот Бахмут во обид да ја преземат контролата врз целиот регион Донбас, но безуспешно.

Борбите се интензивираа во изминатата недела, а на првата линија на одбраната на градот се присутни и припадници на Азовскиот полк.

Тие објавија видео на социјалните мрежи на кое може да се види степенот на уништувањето во самиот град и борбата со непријателот од непосредна близина.